Veke 21:

Ei vanleg veke - noko som nesten er uvanleg i mai! Me byrjar veka med matdag på måndag. Då er det tid for fisk- og fisketypen er laks. Vidare er det klubb 06 og 07 på tysdag. Då blir det også temadag, fordi det er kome på eit møte for fleire tilsette på torsdag. På temadagen vil me sjå på og prate om alt me har gjort dette barnehageåret og byrje førebuinga til ei "vandreutstilling" som skal vera klar til sommarfesten. Det er også slik at me har byrja å øve på underhaldning til sommarfesten. Det er litt hemmeleg, men det kjem eit brev med spørsmål om å hjelpe til med enkelt kostyme. Ellers ser det ut til at me kan få ein smak av sommar utover veka og då blir det heilt sikkert mykje aktivitet ute!       

Ellers er personalkabalen for neste barnehageår nesten i havn og så snart me har fått dei siste detaljane på plass skal de få veta meir om det. Familiesamtalene er godt i gang. Ta kontakt med din kontaktperson i barnehagen for å gjera avtale.

Me ynskjer alle ei strålande veke!                                                                                   

Me vil no leggje evalueringar som vert gjort i lag med barna ut på nettsida. Nokre gonger vil det kome evalueringar rett etter aktivitetar og opplevingar, medan det andre gonger vil bli mot slutten av veka. Me håpar de synes dette er nyttig og kjekt! Kom gjerne med tilbakemeldingar...

Foreldregruppa har i brukarundersøking uttrykt at dei ynskjer eit meir aktivt og synleg FAU og SU. Difor informerer me no om møtetid og saker som er under arbeid...Dersom de har saker som de ynskjer å ta opp, så kontakt foreldrerepresentantane.

Aktuelle saker som FAU arbeider med no:

Trafikksikring - Sirevegen: FAU i Torpo barnehage og ved Torpo skule har no eit samarbeid for å gjera skulevegen og strekningar som barnehagen ferdast mykje på meir trafikksikker. For oss i barnehagen er det spesielt viktig med fartshumper ved overgangen Sirevegen og skilting/lågare fartsgrense der me går over.

Leirplass: Arbeidsgruppe er etablert for å få på plass ein permanent gapahuk på leirplassen vår ovanfor fotballbanen. Her har me tankar/er på gang med eit samarbeid med idrettslaget.

FUB har kome med eit nytt hefte med tema "samarbeid heim-barnehage". Gå inn på linken nedanfor. Kom gjerne med tilbakemeldingar til oss, dersom de gjer dikko tankar om vårt samarbeid etter at de har lese heftet...

http://www.fylkesmannen.no/default.aspx?m=792&amid=3565218

Velkomen til heimesidene våre. Her finn de informasjon som er retta mot foreldra. Ein god del av innholdet er passordbeskytta, slik at det kun er dei med tilknytning til barnehagen som får tilgang. Ta kontakt med barnehagen om du meinar at du skulle hatt tilgang til sidene.